عندي العقل ما ساعة غفا ..

 ( عندى العقل ما ساعة غفا )



عنـدي العقل ما ساعــة غفا لا هــــو راق لا غـالـــــي نسا

ما يرقد الليل معــــاه العيــــن بالعبرة تسيل

شايل حمـــل ع العاتــــق ثقيــل ظلــــم الـــوقت وهمــوم الحياة

وفقـد أعـزاز كانولـه دليـــــــــل فـي مـــا فــات أيــــام الغـــلا

وأن هف النوم في عيني عسيل ونقـول النـــوم يا عقلــي لفــا

يبـرم زول كي ريـــــم الهميــل ويخطر صوب ماضيه انتها

ويحوس العقل في الليل الطويل معـاه العيــــــن فــــزعتا ابكا

مو طايل الروقة أن جاه الليل يضياقن أخلوقـه

حايــــر بين أريافــــه و شوقـه وبيـــن أهمــوم وأوجاع وشقا

وفقـد أعزاز في غفلة و بوقــه قطعـــــة عـــرق يا دوبه نما

صاف العقل والكبد محروقـــة ودمع العين كـــي سيــل الشتا

ما ساعة رقد مـــن بو دور العـــــاتق أنهـــد

علـثر أرياف غـــــاليه فقـــــد بوقـــــة نيــن مـا صـــــدق نبا

أنصبـــــر فيـه وعـزومه أنشـد بقــــول الصبــــر ماكيفــه دوا

وانكان أسهيـت لأوهامه عمـد أيشل الصوت في أركان الخلا

يغيــــب أشــوي و يعاود أيرد جــــايب نار مـن ماضـي مضا

أيحتحت جمر في الجاجي خمد وينقــــض جــرح ما حوته برا

ويسيل الدمـع و يجـــــرح الخد قاطـــــر ناي ما عمـره أمتـلا

ونقول أوحلـت يا عقلي أيســد أيقــــول الليـل غيــــر توة بدا

يمكـــــر فـي وأنا نريــــده سند طبـــــه فـي كــــي طــب العدا

ايثغي بغبـــرة وهــو من قبل بعـزمه وصبره

وعنده بــاع في الدنيا وخبــره وما مــن هــول في عمره رعا

خـــلا اليدين والعـــازة الغبره رزنــــه غيــــر ماعمــره شكا

و واخذ درس من الدنيا عبره اللي على الارض صيوره فنا

أنقـول شديد ويعـــــاود ويبره أيقـــــول العقـل ما تعبـــا أبها

يصعب كسر الخاطر وجبره أيريد أسنين و لا الخاطر برا

نين أيمـوت و يســاووه قبره مـــا ينســــاه مـــن كبده كوى


وسلامتكم

( للشاعر محمد عبد القادر بوحويش )

المصدر منتديات القوميون الجدد